ФОТО | Романија го заврши настапот на Европското првенство, но со еден гест ги воодушеви организаторите
Репрезентацијата на Романија со вчерашниот пораз од Холандија во осминафиналето го заврши настапот на Европското првенство. Холанѓаните беа подобар противник и на крајот славеа победа од 0:3, иако и Романците на моменти во таа средба знаеа да бидат опасни.
Без разлика што го завршија настапот, Романците оставија солиден впечаток на овој Мундијал, а посебно се истакнува и нивниот гест кој на големите натпреварувања навикнавме да го гледаме од Јапонците.
Имено, романските фудбалери ја „светнаа“ својата соблекувална во Минхен, но исто така оставија и писмо во знак на благодарност за гостопримството и организацијата на турнирот.
💛 🇷🇴 The perfect guests. Following their elimination from #EURO2024 last night, @hai_romania left their Munich dressing room spotless with a touching letter to their German hosts. pic.twitter.com/UZwmxqxyjk
— UEFA (@UEFA) July 3, 2024