Поранешната манекенка Наталија Грубовиќ, која на јавноста ѝ е најпозната по ангажманот во телевизиската игра на среќа „Супер Бинго“, е на семеен одмор со сопругот Дрен Глушец и ќерка ѝ Натали, која го носи нејзиното име.

Иако пред две децении беше најпопуларна девојка на малите екрани, денес Грубовиќ не е многу активна во медиумите и ретко споделува содржина на социјалните мрежи.

Сега таа реши да ги почести нејзините следбеници со неколку фотографии од одморот во Порто Монтенегро, дестинација во Црна Гора за која многумина знаат да речат дека е уникатен спој на Монте Карло, Сен Тропе и Порто Банус во едно.

Дефинитивно, таа е една од најдобро стилизираните Македонки, а доказ за тоа се и нејзините модни избори за време на годинашното летување.