ФОТО: Оштетен и ризичен за поминување мостот на реката Пена во Тетово
Видно е оштетен мостот на реката Пена на улицата Индустриска во Тетово. Уништен е металниот и бетонскиот столб.
Мостот бил оштетен од сообраќајна несреќа што се случила пред една недела, но се уште нема никакви активности за негова санација. Оштетениот мост во овој дел на Тетово ја доведува во прашање и безбедноста на овој патен правец.
Командирот на Противпожарната единица во Тетово, Авни Ахмети вели дека ќе се преземат мерки за санирање на оваа штета
„Од информациите со кои располагаме, мостот е оштетен како последица на сообраќајна несреќа што се случи пред неколку дена, излеговме на местото на настанот и беше одлучено следната недела да почнат работите за да се санираат оштетувањата. Општина Тетово во соработка со надлежните институции одлучи да го санира и се надеваме дека во најбрз можен рок ќе се врати во претходната состојба“, изјави командирот на Противпожарната единица во Тетово, Авни Ахмети.
Мостот на улицата Индустриска изминативе години во неколку наврати беше оштетуван од поплавите кои го зафатија тетовско, но досега властите не презеле никакви активности за негова санација.
Инаку оваа сообраќајница е една од најфрекфрентните во Тетово.
