Нов портрет на кралот Чарлс во воена униформа беше објавен во саботата по повод Денот на британските вооружени сили.

Имено, на фотографијата е прикажан кралот облечен во свечена униформа на фелдмаршал со медали, меч и одликувања. Кралот, кој е врховен командант на вооружените сили, се врати на своите должности на почетокот на минатиот месец, откако во февруари му беше дијагностициран рак.

Според позитивните коментари под фотографијата објавена на социјалните мрежи, несомнено следбениците на британското кралско семејство се пријатно изненадени и воодушевени.

„Конечно добар портрет“; „Најдобар портрет досега“, „Многу убава фотографија. Ми се допаѓа композицијата и боите.“, пишуваат обожавателите на кралското семејство.

Објавувањето на фотографијата се совпадна со видеопораката на кралицата Камила до припадниците на вооружените сили, која таа ги нарече „извор на инспирација, безбедност и гордост“.

Да потсетиме, пред два месеци кралот Чарлс го откри својот прв официјален портрет. Маслото на платно на уметникот Џонатан Јео го прикажува Чарлс на позадината на живописни црвени нијанси во униформата на воената единица на велшката гарда со пеперутка преку неговото рамо.

Необичниот портрет предизвика поделени мислења меѓу кралските обожаватели и корисниците на социјалните мрежи. Некои велат дека црвената боја им предизвикува „непријатно чувство“, а некои дека добиле впечаток како монархот да е „во пеколот“.

ФОТО+ВИДЕО | Кралот Чарлс Трети го откри својот прв портрет по крунисувањето