ФОТО | Најдобро издание досега: Нина Бадриќ ужива во Грција и добри бројни комплименти за изгледот
Грчкиот остров Миконос е вистински рај за хедонистите, дестинација која мами воздишки со својата убавина, божествените глетки, космополитскиот дух и врвниот ноќен живот. Една од оние кои го избраа Миконос ова лето е и хрватската пејачка Нина Бадриќ, која заслужено замина на неколкудневен одмор, далеку од градските гужви.
Пејачката сподели неколку фотографии од ова патување на својот инстаграм-профил, на кои позира во бел летен фустан и самоуверено покажа дека се уште важи за една од најубавите жени на регионалната музичка сцена.
Според коментарите на објавата, многумина сметаат дека ова е најдоброто издание на Бадриќ досега.
„По кој пат да тргнам?“, напиша таа во описот на фотографиите.
„Прекрасна“, „Каде и да тргнеш – ти ќе создадеш улица на славните“, „Вистинското прашање гласи: ‘А, каде да НЕ тргнеш на Миконос?’“, „Преубава и секогаш елегантна“, гласат дел од коментарите.
Инаку, пејачката замина на заслужено уживање по спектаклот кој го направи со колегата, пејачот Тони Цетински, во рамките на музичкиот фестивал „Шубиќевац“, кој се одржа во Шибеник. Претходно пејачката го прослави својот роденден и на својата публика ѝ ја подари песната „Како си“.