ФОТО | „Мона Лиза на одмор“: Се појавија фотографии со вештачка интелигенција од ликот на најпознатото уметничко дело
На социјалните мрежи кружат фотографии создадени со вештачка интелигенција од ликот на Мона Лиза. Девојката со загадочна насмевка насликана од познатиот ренесансен италијански сликар Леонардо да Винчи е едно од најпознатите ремек-дела во светот, а мистериозната Мона Лиза сега се појави во сосема поинакво руво.
Имено, еден корисник на интернет решил малку да експериментира и со помош на вештачката интелигенција ја покажал Мона Лиза во модерна средина, а резултатот е полн погодок.
„Мона Лиза на одмор“, пишува покрај фотографиите.
Мона Лиза оживеа во виртуелниот свет и „отпатува“ до познати туристички дестинации, како Санторини, Мачу Пикчу и Њујорк. Објавата собра повеќе од 35 илјади лајкови, а многумина забележаа како е задржана мистериозноста на девојката дури и во целосно новото издание.
„Има нешто толку енигматично во таа насмевка“, гласи еден од коментарите.