ФОТО | „Ми недостигаат моите планини“: Бремената Ирина Камилоска ја одржува формата во природа
Планинарката Ирина Камилоска (поранешно Дишовска) која е во брак со пејачот Павле Камилоски во текот на првата бременост постојано искачуваше планински врвови.
Неодамна, таа на социјалните мрежи откри дека повторно ќе стане мајка, а сега се пофали како ја одржува својата беспрекорна форма во петтиот месец од бременоста.
Имено, Ирина на својот инстаграм-профил објави фотографии од природа, на која се гледа дека и покрај тоа што е бремена таа продолжува да пешачи и да планинари.
„Ми недостигаат моите планини“, напиша таа кратко покрај фотографиите.
Да потсетиме, Павле и Ирина го изговорија судбоносното „да“ во февруари минатата година, а неколку месеци подоцна, на 18 јуни, нивното семејство се прошири со синот Јосиф. Пред еден месец Ирина ја сподели радосната вест со јавноста дека повторно ќе стане мајка.