ФОТО | Меџик Џонсон ужива во Дубровник: „Погледот е спектакуларен, а храната прекрасна“
Легендарниот кошаркар и еден од најдобрите НБА играчи на сите времиња Меџик Џонсон повторно го посети прекрасниот хрватски град Дубровник.
Во друштво на неговата сопруга Куки Џонсон, тој вечерал во еден локален ресторан и уживал во погледот кон тврдината Ловриенац.
Своето пријатно искуство, заедно со неколку фотографии, Џонсон го сподели на социјалниот медиум Фејсбук.
„Глетката беше спектакуларна, а храната прекрасна. Зад нас е тврдината Ловриенац, каде се снимаше телевизиската серија ‘Game of Thrones’“, напиша познатиот кошаркар, кој веќе неколку години по ред го посетува југот на Хрватска.
Пред посетата на Дубровник, Меџик и Куки Џонсон ја посетија и Црна Гора.
„Возбудливо е кога Куки и јас истражуваме нова земја, а Црна Гора е спектакуларна! Ова е наша прва посета на оваа земја – таа е убава и луксузна“, напиша тој на Твитер при посетата.
It’s so exciting when Cookie and I get to explore a new country and Montenegro is spectacular! This is our first time in the country and it’s beautiful and luxurious. pic.twitter.com/hAk7xOQT6U
— Earvin Magic Johnson (@MagicJohnson) August 7, 2023
