ФОТО | Марко „Дај побрзај“ ги однесе близнаците на плажа: Веда и Вања нема да се сеќаваат, но јас и сопругата ќе се сеќаваме на првото летување
![](https://www.slobodenpecat.mk/wp-content/uploads/2024/06/Marko-Daj-pobrzaj.jpg)
Македонскиот водител Марко Новески, кој ја освои македонската јавност со неговиот телевизиски проект „Дај побрзај“, сега ужива во својата нова животна улога – татко на симпатичните близнаци Вања и Веда.
Новески и неговата сопруга Цена Плавеска ги добија синот и ќерката кон крајот на април, а сега среќното семејство замина на своето прво семејно летување.
„Одиме на плажа. Можеби Веда и Вања нема да се сеќаваат, но јас и сопругата сигурно никогаш нема да го заборавиме првото одење на плажа со нив“, напиша тој во описот на фотографиите, кои ги објави на својот инстаграм-профил.
![](https://www.slobodenpecat.mk/wp-content/uploads/2024/06/Snapinsta.app_449461743_18403609699076704_6198800530744321148_n_1080.jpg)
![](https://www.slobodenpecat.mk/wp-content/uploads/2024/06/Snapinsta.app_449452012_18403609708076704_3546117183719990165_n_1080.jpg)
![](https://www.slobodenpecat.mk/wp-content/uploads/2024/06/Snapinsta.app_449459287_18403609717076704_6739497842680097735_n_1080.jpg)
Да потсетиме, Новески и Плавеска стапија во брак во август 2021 година.
„Се оженив! Те сакам Плавевска и едвај чекам да видам како ќе се одвива нашата приказна. Голема благодарност до кумот Дамјан за безрезервниот ангажман околу целата работа и секако до старосватицата Сашка за стручната логистика околу овој чин“, напиша тој тогаш.
Три години подоцна, тие станаа и родители на Вања и Веда, за кои водителот вели дека се неговата „дупла среќичка“.
![](https://www.slobodenpecat.mk/wp-content/uploads/2024/06/Snapinsta.app_440446785_18394681714076704_3661649660425994012_n_1080.jpg)