Актерката Марго Роби неодамна пристигна на одмор на Сардинија. На одморот ѝ се придружи нејзиниот сопруг, продуцентот Том Акерли, со кој го очекува своето прво дете.

Роби и нејзиниот сопруг ги фотографираа фотографите, а трудничкиот стомак го покажа во лежерна облека. Актерката облекла црни панталони и бела кошула која ја откопчала за да го нагласи стомакот. Комбинацијата ја завршила со црни мокасини, чанта, капа и очила за сонце.

Веста дека е бремена беше објавена во јули годинава. Таа беше со сопругот на езерото Комо, а Роби во таа прилика носеше бел краток топ во кој го покажа трудничкиот стомак. Набргу потоа, двојката беше и на Вимблдон, каде таа го истакна својот стомак во бел фустан.

Да потсетиме, Роби и Акерли се запознаа во 2013 година, за време на снимањето на филмот „Француски апартман“ („Suite Française“). Актерката имаше споредна улога во филмот, а продуцентот работеше како асистент.

Филмската екипа толку се зближила за време на снимањето што сите почнале да живеат заедно. Изнајмиле имот во лондонски кварт и се погрижиле тоа да си го дозволи и најслабо платениот член на тимот.

Роби и Акерли ја криеле својата врска, но нивната тајна не останала тајна долго време.

„Го чувавме тоа во тајност. Затоа што навистина не го сфативме сериозно. Како да сме ‘само пријатели’, а потоа сите дознаа… Беше драматично. Нема да навлегувам во детали. Но, за момент нашата куќа се претвори во ‘Шоуто на Џери Спрингер’, но потоа сè се среди и сè беше во ред“, раскажа актерката.

ФОТО | Никогаш посреќни: Бремената Марго Роби и нејзиниот сопруг разменуваа бакнежи на Вимблдон