Фудбалската репрезентација на Македонија ќе одигра пријателски натпревар со репрезентацијата на Хрватска во понеделник. Натпреварот ќе се одржи во Риека и ќе биде еден од двата во јунскиот репрезентативен циклус.

Непосредно пред тргнувањето за Хрватска, нашите фудбалери имаа специјален гостин во хотелот „Дабл Три Хилтон“ во Скопје – регионалната музичка ѕвезда Северина Вучковиќ.

Таа им посака среќа на нашите репрезентативци, а тие ѝ подарија два дреса со бројот седум – едниот со нејзиното име, а другиот со името на син ѝ Александар.

Симболичниот подарок ѝ го врачија фудбалерите Александар Трајковски и Столе Димитриевски.