Пејачката и актерката Лејди Гага го привлече вниманието на премиерата на новото продолжение на филмот „Joker: Folie à Deux“ вчеравечер во Лондон. Во овој филм таа го толкува ликот на Харли Квин, додека главната улога на Џокер повторно ја презеде Хоакин Феникс.

На црвениот тепих таа беше во друштво на својот вереник Мајкл Полански, а со црвениот фустан, особено нагласените ракави, драматичната шминка и црвената коса го привлече вниманието на многумина.

„Joker: Folie à Deux“ е продолжение на популарниот филм „Џокер“ од 2019 година, кој заработи над милијарда долари, а во кината треба да се појави на почетокот на октомври.

Филмот беше прикажан и на 81. Филмски фестивал во Венеција, каде по проекцијата доби 11-минутни овации. Иако има голем интерес за продолжението, мислењата се поделени меѓу фановите поради изјавата на режисерот Тод Филипс дека Харли Квин нема да биде портретирана онака како што ја гледале досега.