ФОТО | Легендарниот Тим Бартон доби ѕвезда на Булеварот на славните, покрај него беше и Моника Белучи
Тим Бартон во вторникот доби ѕвезда на Булеварот на славните во Холивуд во Лос Анџелес. Познатиот режисер ја доби ѕвездата како признание за неговата работа на бројни филмски хитови.
На церемонијата се појави и неговата партнерка Моника Белучи, а како гости говорници учествуваа Винона Рајдер и Мајкл Китон, ѕвездите на филмот „Битлџус Битлџус“ („Beetlejuice Beetlejuice“).
Зборувајќи пред толпата, Барто се сеќава дека како дете патувал сам од неговиот роден град Бурбенк во Холивуд.
„Бев доволно млад за да мислам дека овие работи се, всушност, надгробни споменици кога првпат дојдов овде“, започна тој, гестикулирајќи кон ѕвездите на Булеварот на славните.
„Тогаш сфатив дека Џон Вејн не е погребан покрај тие луѓе“, додаде тој, а потоа објасни дека за него е голема чест да добие ѕвезда.
Во својот говор, Рајдер објасни дека Бартон има „прекрасно и уникатно разбирање за човечкото срце“.
„Да се работи со Тим е како да си поканет да талкаш низ неговото срце и имагинација. Тоа е врвната катедрала и едно од моите омилени и најсвети места што некогаш сум била и вечно сум благодарна за времето што го поминав таму“, рече актерката, додека Китон се присети на нивната соработка на филмот „Бетмен“ од 1989 година.
„Тој ми го даде сценариото и ми рече: ‘Те молам прочитај го ова и кажи ми што мислиш’“, се сеќава тој, додавајќи: „Ова е по ‘Битлџус’. После тој перформас. По таков филм. Тој му вели на студиото: ‘Го сакам тој тип’. Многу луѓе заработуваат многу пари со филмовите за суперхерои поради неговите избори и неговата визија за тоа какви би можеле да бидат тие филмови, бидејќи тој промени сè“.