Куќа со тераса со поглед на Велшките долини ќе се најде на аукција со почетна цена од верувале или не – нула фунти. Но, оваа куќа има потреба од реновирање, што ќе биде тешко дури и за најискусните градежници.

Куќата во Њу Тредегар, Велс има значителна штета од пожар и беше опишана од аукционерот дека е во „бедна состојба“, објави Би-би-си.

Имотот нема минимална цена што значи дека се нуди на пазарот за нула фунти додека некој понуди одредена сума. Компанијата „Пол Фош окшнс“ од Њупорт, која ја продава куќата, опишува дека куќата има поглед кон долините, но дека е тешко оштетена во пожар.

Куќата има три соби на приземје, четири соби на катот и уште три до четири соби во подрумот. Наддавањето ќе започне на 1 октомври напладне и ќе заврши на 5 октомври.

Инаку, Велшките долини се област во Велс позната по прекрасните пејзажи, ридови и долини. Овие долини биле историски важни за рударството, особено за јаглен. Денес тие се популарни за туризам и активности на отворено, а исто така се дел од културниот идентитет на Велс.