Мајкл Даглас вчера го прослави својот 80-ти роденден, а истиот ден е родена и неговата сопруга, актерката Кетрин Зета-Џонс, која наполни 55 години. На радост на нивните фанови, актерката на необичен начин му го честиташе роденденот на својот сопруг. Имено, таа на својот Инстаграм објави црно-бела фотографија од помладите денови на која позира целосно гола.

„Во роденденско одело! По повеќе од 25 години споделување родендени со мојот сопруг, снемав идеи за подароци. Овој подарок е втора опција, топчињата за голф се прва“, напишала таа покрај фотографијата на која позира гола во бањата пред огледало.

Пред тоа таа сподели заедничка фотографија на која актерот ја бакнува Кетрин во образ. „Среќен роденден на мене и на Мајкл. Тука сме на нашиот роденден пред 25 години. Те сакам со целото мое срце“, напиша таа.

Годинава слават 24 години успешен брак. Нивната љубовна приказна започна на филмски фестивал во Франција. Тие се венчаа во ноември 2000 година во хотелот „Плаза“ во Њујорк. Нивната раскошна венчавка, на која присуствуваа многу познати актери, политичари, па дури и членови на британското благородништво, беше прогласена за свадба на годината.

Двојката има две деца заедно, 24-годишниот син Дилан и 21-годишната ќерка Керис.