Принцезата од Велс, Кејт Мидлтон се појави на финалето на Вимблдон. Добро расположената Кејт дојде во друштво на својата ќерка Шарлот и сестрата Пипа Мидлтон. Принцезата беше пoздравена со стоечки овации додека се упатуваше кон Кралската ложа.

Таа носеше виолетов фустан од „Сафија“. Покрај нејзината широка насмевка, внимание привлече еден особено впечатлив детаљ на нејзиниот прекрасен виолетов фустан со тесен струк и набори на предната страна.

Споменатиот детаљ е на предниот дел на фустанот, веднаш под левото рамо, а станува збор за зелена машна со виолетова лента, зад која се крие посебно значење. Овва машна го симболизира клубот „Сеанглиски клуб за тенис на трева и крокет“ (All England Lawn Tennis and Croquet Club).

Кејт Мидлтон е голем љубител на тенисот, а самата е покровител на споменатиот клуб. Но, откако ѝ беше дијагностициран рак, таа не ги извршуваше службените обврски, а пред Вимблдон имаше само еден јавен настап.

Палатата Кенсингтон вчера објави дека принцезата од Велс ќе се појави во финалето кое започна од 15 часот денеска и ќе го додели победничкиот пехар. Во финалето играат Новак Ѓоковиќ (37) и Шпанецот Карлос Алкараз (21), кој минатата година во финалето на Вимблдон го победи српскиот тенисер.

Зошто баш таа поза? Експерт открива зошто Вилијам и децата ѝ свртеле грб на Кејт на новата фотографија која таа ја направила