Вимблдон започна, а Дејвид Бекам (49) не сакаше да го пропушти првиот ден од овој престижен тениски турнир. Фотографите го „уловија“ на трибините во женско друштво, но тоа не беше неговата сопруга Викторија.

Друштво му правеше неговата мајка Сандра Вест, а поранешниот фудбалер будно го следеше целиот натпревар. Тие седеа во кралската ложа заедно со други познати личности.

Бекам и неговата мајка го следеа натпреварот помеѓу Карлос Алкараз и Марко Лахал. Според странските медиуми, мајката на фудбалерот оди на турнирот речиси секоја година, пишува „Дејли мејл“.

„Дејвид и неговата мајка се обидуваат секоја година да одат на натпреварите. Тие се многу блиски, имаат посебен однос и двајцата уживаат во тенис“, изјавил претходно извор за „Дејли мејл“.

Мајката и синот цело време беа насмеани, а подоцна фудбалерот со задоволство се сликаше со многубројните фанови.

Инаку, Дејвид и неговата мајка го следеа тенискиот турнир и минатата година. Меѓутоа, тогаш фотографите во неколку наврати го фатија како се проѕева и едвај ги држи очите отворени.

ФОТО | „Морничави фотографии“: Дејвид Бекам ги згрози фановите со однесувањето кон ќерка му