Турската актерка Афра Саракоглу е ѕвезда на серијата „Златен кафез“, а со својот атрактивен изглед често привлекува внимание, како во Турција, така и надвор од границите на земјата.

Актерката која ја нарекуваат турската Адријана Лима, на својот инстаграм-профил објави фотографии од летувањето на кои позира на лежалка во цветно бикини.

„Шпанија е секогаш добра идеја“, напишала Афра во описот на објавата, додека пиела коктел и се сончала, а обожавателите ѝ упатиле мноштво комплименти.

„Најубавата девојка на светот“, „Ти си толку убава“, „Супермодел“, „Те сакаме“, „Поубава си од Адријана Лима“, се само дел од коментарите.

Оваа 25-годишна убавица пораснала без татко, а откако нејзините родители се развеле, таа со мајка и се преселила од Истанбул во мало гратче, а потоа заминала на југот на Турција.

Првата улога ја добила во првата година од студиите и тоа во филмот „Втора шанса“ во режија и продукција на славниот турски актер и пејач Озкан Дениз. Афра тогаш имала само 18 години, а во тоа време се појавија гласини дека таа се вљубила во Дениз и дека биле во врска.

Афра во моментот е во врска со својот колега Мерт Рамазан Демир од популарната турска серија „Yalı Çapkını“, која се емитува и кај нас под називот „Женкар“.