ФОТО | Хали Бери се појави со голи гради на црвениот тепих: И на 58 години изгледа совршено
Вечерта во Њујорк синоќа беше резервирана за промоција на филмот на Александар Аџа „Never Let Go“. Главната актерка во продукцијата Хали Бери (58) маѓепса со својата убавина, стил и совршена фигура.
Додека луѓето гледаат во новите слики на Хали Бери, не можат да поверуваат како изгледа толку добро на 58 години. Нејзиниот инстаграм-профил открива многу, бидејќи таму холивудската актерка покажува колку напорно тренира, што е нејзина повеќегодишна рутина.
На полето на стилот таа продолжи во ист ритам. Хали Бери сака да носи прилично впечатливи фустани на црвениот тепих, попредизвикувачки модели кои не можат да се видат на секој чекор.
Нејзиното модно издание вчера се одликуваше со комбинација на елеганција и провокација. Фустанот со блескава боја и луксузен дизајн всушност не е сам по себе провокативен, но фактот што Хали не носеше градник го претвори овој стајлинг во вистинска „модна бомба на провокацијата“.
Смело облечената Хали Бери позираше со бројните членови на екипата на споменатиот филм, а кога би се направила листа на најпредизвикувачките ѕвезди на светската сцена, оваа актерка дефинитивно би била меѓу нив, а тоа е поради доследноста во провокативниот стил.