ФОТО | Една од најубавите жени на светот на својата свадба не носела маскара, ниту ги цртала веѓите
![](https://www.slobodenpecat.mk/wp-content/uploads/2024/07/Olivija-Kulpo-vencavka-Foto-Printskrin-Instagram.jpg)
Оливија Кулпо (33), една од најубавите жени на светот и поранешна Мис Универзум, за денот на својата венчавка избра едноставност, а во интервју за „Вог“ откри и зошто.
![](https://www.slobodenpecat.mk/wp-content/uploads/2024/07/Olivija-Kulpo-i-kristijan-Foto-Printskrin-Instagram-819x1024.jpg)
– Ги прескокнав маскарата, моливчето за усни и не ги истакнав веѓите. Има толку многу убавина во едноставноста – објаснила убавицата.
Оливија, која се омажи во неделата за ѕвездата на американскиот фудбал Кристијан Мекафри (28), се одлучила и за многу едноставна венчаница од италијанското модно дуо „Долче и Габана“.
![](https://www.slobodenpecat.mk/wp-content/uploads/2024/07/Olivija-Kulpo-vencanica-Foto-Printskrin-Instagram-819x1024.jpg)
– Имав многу јасна идеја за тоа што сакам од мојот фустан. Работев со „Долче и Габана“ со години, така што беше неверојатно посебно да се работи со Стефано, Доменико и со нивниот тим. Во венчаницата сакав да се чувствувам како да ме надополнува, а не да ме надвладува – рекла манекенката.
![](https://www.slobodenpecat.mk/wp-content/uploads/2024/07/Snapinsta.app_449565437_18448534525021809_1101745284903926764_n_1024-819x1024.jpg)
Оливија и Кристијан се во врска од 2019 година, а се свршија во април 2023 година.
Инаку, манекенката и модна инфлуенсерка беше прогласена за Мис Универзум во 2012 година, а јавноста ја памети и по нејзиниот ангажман во шоуто„Маскираниот пејач“ („The Masked Singer“) минатата година.
![](https://www.slobodenpecat.mk/wp-content/uploads/2024/07/Snapinsta.app_449780818_18448534441021809_5543322300028892802_n_1024-819x1024.jpg)
ФОТО | Поминаа десет години откако победи на Мис Универзум: Оливија Кулпо изгледа неверојатно