ФОТО | Специјално мени: Кралот Чарлс Трети го послужи јапонскиот цар Нарухито со морски ракчиња и мус од босилек
![](https://www.slobodenpecat.mk/wp-content/uploads/2024/06/Kralot-Carls-Treti-Kralicata-Kamila-Car-Nahurito-carica-Masaka-Foto-POOL-Jiji-Press-Photo-Profimedia.jpg)
Британскиот крал Чарлс Трети пред два дена одржа државен банкет во чест на јапонските цар и царица, Нарухито и Масако, во Бакингемската палата, пишува Би-би-си.
Кралот ги поздравил своите гости на јапонски јазик, со порака што беше преведена како „Добредојдовте назад во Британија“.
Што се однесува до менито, царот и царицата биле послужени со поширани морски ракчиња, мус од босилек, риба калкан, јајца од препелица и шербет од праски.
![](https://www.slobodenpecat.mk/wp-content/uploads/2024/06/profimedia-0884918464.jpg)
Во оваа прилика, царот Нарухито се присетил на своите младешки денови, кои ги поминал како студент на Универзитет Оксфорд.
Кралот Чарлс Трети ја потенцирал важноста на блиското пријателство помеѓу Обединетото Кралство и Јапонија.
– Нашето пријателство е партнерство со длабоки корени – рекол кралот, осврнувајќи се на областите како што се наука, култура, одбрана и трговија.
![](https://www.slobodenpecat.mk/wp-content/uploads/2024/06/profimedia-0884918164.jpg)
Тој, исто така, се осврнал на некои јапонски придонеси за популарната култура, вклучувајќи го и брендот „Хелоу Кити“ и ја спомнал фразата од познатото аниме „Покемон“: „Мора да ги фатам сите“.
Царот Нарухито ја нагласил важноста двете земји да се стремат кон „вистинско меѓусебно разбирање“ и оставил впечаток дека се осврнал на претходните воени конфликти кога зборуваше за градењето пријателства по „времето на големи тешкотии“.