Српската пејачка Анастасија Ражнатовиќ (26) и фудбалерот Немања Гудељ (32) вчера (14 јули) ја прославија првата годишнина од бракот, односно од денот кога направија тајна црковна венчавка и прослава во нивниот дом во Севиља, Шпанија.

По тој повод, двојката објави заедничка фотографија и си посветија емотивна порака.

„Нека ни е среќна првата годишнина од бракот!

Бог да ни ги заштити љубовта и бракот до крајот на нашите животи. Те сакам“, стои во описот на фотографијата.

Да потсетиме, Анастасија Ражнатовиќ и Немања Гудељ ја започнаа љубовната врска на почетокот од 2022 година. Фудбалерот ја запроси пејачката лани на Ибица, по што направија црковна венчавка во Севиља, градот каде што живеат и каде што Гудељ ја гради својата фудбалска кариера.

Годинава направија и голема прослава во Србија, во домот на турбофолк ѕвездата Светлана Ражнатовиќ – Цеца, која е мајка на Анастасија.