Актерот Оливие Мартинез кој секогаш во јавноста изгледаше беспрекорно и во елегантни модни комбинации е речиси непрепознатлив на најновите фотографии.

Беше познат како холивудски миленик на жените. Но, некогашните темни, густи прамени коса сега се заменети со седа коса, а неусогласената модна комбинација и неговот исцрпено лице оставија впечаток на запуштен изглед.

Ова е првпат да го видиме Мартинез во јавност откако неговата поранешна сопруга, актерката Хали Бери, откри дека потрошила 200.000 долари обидувајќи се да соработува со актерот во заедничкото родителство врз нивниот 10-годишен син Мејс со него, пишува „Дејли мејл“.

Да потсетиме, парот се вери во 2012 година, а една година подоцна се венчаа и добија син. Иако се разделија во 2016 година, нивниот развод беше финализиран дури минатата година во август. Битката за старателство трае веќе неколку години, а актерката неодамна тврдеше дека Мартинез ја „одложил“ терапијата за заедничко родителство што ја наложил судот и дека не може да најде начин да соработува со него.

ФОТО | Хали Бери се појави со голи гради на црвениот тепих: И на 58 години изгледа совршено