Светската фудбалска организација, ФИФА го суспендираше аргентинскиот голман Емилијано Мартинез на два натпревари и тој нема да биде дел од националниот тим во октомврските квалификации за Светското првенство.

ФИФА не потенцираше зошто е суспендиран Мартинез бидејќи не доби црвен картон, меѓутоа се претпоставува дека се неговите недолични потези кои ги има често пати на терените.

Во фудбалската јавност се уште се свежи сеќавањата од неговите испади на Мундијалот во Катар, а не мируваше ниту по освоениот трофеј во Копа Америка. Исто така во бес по поразот од Колумбија удри и една од камерите.

Аргентинез без Мартинез на голот ќе биде во натпреварите против Болиција и Венецуела на 10 и 15 октомври. Сепак, Аргентинците се убедливо први во својата група, па така суспензијата на Мартинез нема да има големо влијание врз конечниот исход и пласманот на Светското првенство.