Фудбалската федерација на Македонија денеска ја потврди службената победа за Вардар против Тиквеш поради инцидентот во Кавадарци, но исто така Тиквеш во наредниот период ќе мора да побара стадион каде што ќе ги игра домашните натпревари.

Теренот во Кавадарци ќе биде суспендиран до новата одлука на Дисциплинската комисија.

„Фудбалската федерација на Македонија ја информира јавноста дека теренот ( Градски стадион Кавадарци) СЕ СУСПЕНДИРА според член 77, 87 и 90 од Правилник на натпревари на ФФМ  поради напад (фрлено полно пластично шише ) кон втор асистент судија Гоце Петревски при што натпреварот бил прекинат.  Суспензијата трае до донесување на конечна одлука на Дисциплинска комисија на ФФМ  и е  во рамки на натпревар од 6. коло на ПМФЛ помеѓу ГФК Тиквеш 1930 Кавадарци-ФК Вардар АД одигран на 22.09.2024 година .

Комисијата за натпревари на ФФМ  според член 87 и 90 од Правилник за натпреварување на ФФМ со службен резултат  ГФК Тиквеш 1930- ФК Вардар  0:3 го регистрираше овој натпревар“, соопшти ФФМ.

ФК Вардар: Скандалозни услови во Кавадарци, бевме нападнати, многу нешта не функционираа