По инцидентот во натпреварот помеѓу Вардар Неготино и Охрид кој беше нападнат голманот на гостите (ТУКА) Фудбалската федерација на Македонија го суспендираше и теренот во Неготино каде што се играше натпреварот.

Претходно ФФМ донесе одлука за суспензија за теренот на Тиквеш, а сега истата одлука е примената и за второлигашот Вардар Неготино.

„Фудбалската федерација на Македонија ја информира јавноста дека Комисијата за натпревари на вонредна седница по прегледаните извештаи и снимки од натпреварот во рамки на 4. коло од Втора МФЛ одигран на ден 25.09.2024 година на Градскиот стадион Неготино помеѓу екипите на ГФК Вардар Неготино- ГФК Охрид Лихнидос поради физички напад од страна на неслужбено лице врз голманот на ГФК Охрид Лихнидос, комисијата  донесе одлука според член 94 од Правилник за натпревари на ФФМ за СУСПЕНЗИЈА на Градски стадион Неготино. Суспензијата стапува на сила веднаш“, стои во соопштението од ФФМ.