Договорот е конечно постигнат. Легендарниот британски бенд „Пинк флојд“ оваа недела се согласи да го продаде својот снимен музички каталог на „Сони мјузик“ во зделка вредна околу 400 милиони долари.

Трансакцијата го вклучува каталогот на снимки на „Пинк Флојд“, плус придружните права, вклучувајќи ги правата за „име и сличност“. Не ги вклучува правата за објавување.

Каталогот на „Пинк Флојд“ првпат беше пуштен во продажба во 2022 година, кога изворите сугерираа дека договорот ќе вклучува права за снимена музика и права за „име и сличност“, но не и права за издавање музика, пишува „Фајненшл тајмс“.

Во тоа време, извештаите сугерираа дека каталогот привлекол интерес од потенцијални купувачи како што се „Сони мјузик“, „Ворнер мјузик груп“, „БМГ“. „Конкрод“ и др.

Оваа вест доаѓа откако „Сони мјузик“ наводно го заврши стекнувањето на сет од права кои ја опфаќаат кариерата и на друг легендарен бенд – „Квин“, за повеќе од 1 милијарда долари претходно оваа година.