Албанија е на второ место по баратели на азил според бројот на жители, веднаш зад Србија, објавија албанските медуми, повикувајќи се на Европската канцеларија за азиланти. Според податоците на канцеларјата, Албанија има 18 апликанти на 100.000 жители.

– Во април и во мај има пад на барањата за азил, но затоа пак нивниот број се зголемува од јуни. Во извештајот се наведува дека во јули имало 505 апликации од кои 366 биле првпат. Во споредба со јуни, има 171 апликација повеќе, додека споредено со истиот период лани бројот е трипати помал, јави телевизија „Ора њуз“.

Додека споредено со истиот период минатата година има намалување за 72 отсто, што е последица на ограничувањето на движењата поради новиот коронавирус и затворање на границите. Според податоците на Евростат, околу 75 проценти од Албанците кои бараат азил во земјите на Европската Унија се на возраст под 34 години.