Просечната годишна плата за полно работно време за вработените во ЕУ во 2021 година изнесувала 33.500 евра, објави Евростат.
Меѓу земјите-членки на ЕУ, највисока просечна годишна плата во 2021 година е регистрирана во Луксембург од 72.200 евра, по што следат Данска со 63.300 евра и Ирска со 50.300 евра. Најниски просечни плати имаат Бугарите 10.300 евра, во Унгарија 12.600 евра и во Романија 13.000 евра.

Како што пренесува „Фактор“, оваа информација е задолжителна поради Директивата за сина карта, која е е ден вид дозвола за престој и која ја пропишува употребата токму на овој индикатор за одредување на просечната бруто годишна плата за секоја земја-членка на ЕУ, а нејзината цел е да привлече висококвалификувани работници во ЕУ под пофлексибилни услови.

Според податоците на Евростат, најголем дел од земјите се под просекот на ЕУ, меѓу земјите од регионот највисока просечна годишна плата има Словенија од 28.760 евра, додека во Хрватска таа е 16.170 евра.