Експлозија во погон за производство на гранати во САД
![](https://www.slobodenpecat.mk/wp-content/uploads/2024/07/granati.jpg)
Експлозија се случи во фабриката на „General Dynamics“ во Арканзас, која произведува муниција и ракети „Javelin“.
За ова објави локалниот американски медиум Арканзас онлајн.
Несреќата се случила во средата, околу 08:15 часот по локално време, при што беа повредени две лица, а едно се води како исчезнато.
Портпаролот на погонот, Беркли Вејли, соопшти дека експлозијата била предизвикана од детонирање на експлозив.
Тој потврди и дека дел од производствените процеси кои се одвивале во објектот каде што се случила експлозијата биле прекинати.
Познато е дека компанијата е специјализирана за производство на воена и воздушна опрема.
Фабриката произведува артилериска муниција и минофрлачки гранати. Покрај тоа, нејзините капацитети се вклучени во производството на компоненти за ракетите „Хелфајр“ и „Џавелин“.