Колач без јајца, путер и млеко тешко можеме да замислиме, но овој е особено вкусен. „Антидепресивниот колач“ е вистински хит на Интернет. Оваа едноставна чоколадна торта ќе ве орасположи.

Ако сте од оние кои испробуваат најразлични рецепти бидејќи ја имате оваа „гастрономска љубопитност“, тогаш, донесуваме нова инспирација за вас.

Имено, рецептот за т.н „антидепресивен колач“, не содржи никакви производи од животинско потекло, вегански е коректен, а сепак е многу вкусен. Зошто такво име?

За време на „криза“ луѓето бараат едноставни рецепти за колачи кои произлегуваат од малку состојки или се подготвуваат од намирници кои повеќето луѓе веќе ги имаат дома.

 

View this post on Instagram

 

A post shared by Nisha | Healthy-ish Recipes (@honeywhatscooking)

Состојки:

– 170 гр брашно

– 180 гр шеќер

– 30 гр какао во прав

– 1 лажица прашок за пециво

– 1 лажичка сол

– 1 лажичка бел или јаболков оцет

– 1 лажица екстракт од ванила

– 6 лажици растително масло

– 250 мл ладно кафе

Подготовка:

1. Загрејте ја рерната на 180 степени и намачкајте кружен калап за колачи или обложете го со хартија за печење.

2. Во сад измешајте ги брашното, какаото во прав, прашокот за пециво, солта и шеќерот. Направете три вдлабнатини во тестото и во секое ставете екстракт од ванила, оцет и масло.

3. Сипете го кафето и сè заедно добро измешајте додека не се добие кремасто тесто.

4. Тестото сипете го во калап за колачи и печете околу 25 минути додека површината не стане малку крцкава, но сепак мека.