Ако сте од оние луѓе кои сакаат да експериментираат и да подготвуваат брзи, а притоа лесни десерти тогаш овој рецепт е нешто кое мора да го пробате. Главната нутритивна одлика на кокосот е што дава многу енергија и поттикнува добро расположение.

Богати со здрави масни киселини, кокосовите снегулки го стимулираат метаболизмот, а со тоа индиректно влијаат врз намалување на телесната тежина. Ќе ви дадат инстант енергија, а се далеку поздрава алтернатива на чоколадните трошки во тортите и чоколадите

Состојки:

– 4 јајца
– 3/4 шолја шеќер
– 4 лажици омекнат путер
– 1 лажичка екстракт од ванила
– 1/2 лажичка мелено морско оревче
– 1/2 чаша брашно
– 2 чаши млеко
– 1 шолја кокос

Подготовка:

Јајцата, шеќерот, путерот и ванилата се матат со миксер. Додадете ги мускатно оревче, брашното и млекото и убаво измешајте. Со лажица измешајте го кокосот. Ставете малку масло на садот за печење и истурете ја смесата. Питата се пече во загреана рерна на 180 степени околу 55 минути. Користете чепкалка за заби за да проверите дали е готова, па извадете ја да се излади. Декорирајте по желба и послужете дури откако добро ќе се олади. За полесно да се исече, можете да ја оставите во фрижидер да се стегне пред да ја послужите.

Добар апетит!