На хрватските улици се појавиле продавачите на печени костени, но граѓаните се незадоволни од високите цени, за кои велат дека ги изненадиле. Тимот на „Вечерњи лист“ неодамна ја истражил состојбата на „пазарот“ во Загреб, а заклучокот е дека навистина е прескапо.

Тие купиле три различни пакувања: од пет, седум и осум евра, при што на крајот сфатиле дека за вкупно 20 евра добиле – 20 костени.

Продавачите, од своја страна, велат дека поскапувањето е предизвикано од набавната цена која лани била четири до пет евра за килограм, а годинава е девет евра.

Костените содржат голема доза на диетални влакна, минерали, добри масти, витамини, хранливи материи и антиоксиданси. Иако имаат сладок вкус, тие помагаат во спречување и лекување на дијабетес, го контролираат крвниот притисок, го зајакнуваат имунитетот, важни се за развојот на коските и често се на листата на омилени есенски деликатеси.