Натпреварот од шестото коло во Серија А помеѓу фудбалерите на Џенова и Јувентус ќе се одигра во сабота пред празните трибини на стадионот „Луиџи Ферарис“.

По препорака на Опсерваторијата за спортски настани, која ги надгледува безбедносните прашања, градските власти донесоа ваква одлука поради масовна тепачка на навивачите.

„Навивачите“ на Џенова и Сампдорија се судрија на мостот, нападнаа и припадници на органите на редот, а тоа беше увертира за осминафиналето од Купот на Италија минатата среда, во кој учесникот во Серија Б славеше на пенали. Во тие немири беа повредени 41 полицаец.

Речиси сигурно е дека истата одлука ќе биде применета и за следниот натпревар на Сампдорија, која следниот петок го пречекува Јуве Стабиа во седмото коло од вториот ранг на италијанскиот фудбал.