Џастин Тимберлејк уапсен! Пејачот возел во алкохолизирана состојба
Популарниот пејач Џастин Тимберлејк е уапсен поради возење под дејство во Хемптонс, изјави претставник на органите на редот за „АБЦ њус“.
Имено, апсењето се случило во понеделникот вечерта во Саг Харбор, Њујорк. Поп-ѕвездата денеска треба да излезе пред суд. Претставник на полициската управа Саг Харбор изјави за „Мирор“ дека пејачот моментално е во притвор во нивната станица.
Како што објави „Мирор“, извори велат дека се однесува на сообраќаен прекршок, односно дека возел во пијана состојба.
„Џастин беше на вечера со пријателите и имаше полициски автомобили паркирани надвор од ресторанот, како и секоја вечер. Тие бараат луѓе кои се надвор после полноќ и можеби пиеле“, рекол изворот за „Дејли мејл“.
Џастин наводно отишол да се сретне со пријателите во хотел во понеделникот вечерта во Саг Харбор на вечера и околу 00:30 влегол во својот автомобил за да вози до местото каде што престојувал. Но, веднаш штом седнал зад воланот, полицијата го запрела и го привела. Пејачот не застанал на знакот за стоп и бил запрен, по што одбил да направи алкотест.
Инаку, Тимберлејк има најавени два концерта во Чикаго овој викенд и два во Њујорк следната недела.
Поранешна „Плејбој зајачица“ тврди: Џастин Тимберлејк ја изневери Камерон Дијаз со мене