Демократската унија за интеграција силно ја осудува секоја форма на насилство. Безбедноста на сите граѓани е најважна за нас, се вели во соопштението на ДУИ.

„Настаните во М-НАВ се вознемирувачки и од државните институции се третираат со најголема сериозност.Истражните органи мора одлучно да го расветлат случајот.Инцидентот кој се обидува неправедно да и се припише на ДУИ, е резултат на нарушени и заладени односи меѓу колегите во работната средина и нема никаква врска со политичкo прашањe, а уште помалку со ДУИ.Станува збор за несогласување меѓу колегите и во никој случај не треба неправедно да се меша партиска политика.Ја осудуваме тенденцијата за постојано мешање на партиите во секоја приватна секојдневна работа“, стои во соопштението на ДУИ.

Демократската унија за интеграција го повторува својот став за владеење на правото и тоа дека никој не е над законот, но воедно и се спротивставува на осудувањето и притисокот на јавноста врз институциите, додаваат од ДУИ