Домашни тортилји, по овој рецепт никогаш повеќе нема да купувате готови
![](https://www.slobodenpecat.mk/wp-content/uploads/2023/06/Тортилји-Фото-Pexels.jpg)
Домашните тортилји лесно се прават, со само неколку состојки.
Ние ви донесуваме рецепт за тортилји со три состојки. Се прават едноставно, брзо и лесно.
Може да се наполнат со солени и слатки филови. Одлични се за појадок и исто толку добри за вечера.
Состојки:
– 2 чаши брашно
– 1 чаша топла вода
– 6 лажици путер
– сол по вкус
Подготовка:
Измешајте го брашното со претходно омекнатиот путер. Додајте ги солта и водата и замесете. Тестото е готово кога ќе се изедначи.
Оставете го вака измешаното тесто, покриено, околу 10 минути. Потоа со раце формирајте топчиња, па со сукало развлечете ги во круг.
Пржете ги во загреана и подмачкана со масло тава неколку минути од двете страни.