Водачот на Хезболах, Хасан Насралах, беше многу внимателен во врска со својата безбедност, ретко се појавуваше во јавноста, и не сакаше да информира многу луѓе за неговата намера да присуствува на состанокот во подземен комплекс скриен во предградие на Бејрут кога беше и ликвидиран.

Сепак, разузнавачкото навлегување на Хезболах беше толку длабоко што Израел знаеше дека тој и другите преживеани членови на веќе десеткуваното раководство на групата ќе се сретнат на наводно тајна локација – и дека е извесно дека ќе биде издадена наредба за напад, пишува Гардијан.

Израелските воздухопловни сили употребија голем број гранати во масовен воздушен напад, а израелскиот премиер Бенјамин Нетанјаху мораше да одобри таков напад од Њујорк, каде што одржа воинствен говор на Генералното собрание на ОН.

Според непроверениот извештај на францускиот весник „Ле Паризиен“, лицето кое ги известило Израелците дека Насрала е на пат кон бункерот е Иранец. Ако ова е вистина, би било многу интересно, имајќи предвид дека Иран е главниот поддржувач на Хезболах.

الرسالة واضحة: سنصل إلى كل من يهدد مواطني إسرائيل في الشمال وفي الجنوب وفي جبهات أبعد #تصفية_نصرالله pic.twitter.com/rsKdpTE4i3

— افيخاي ادرعي (@AvichayAdraee) September 28, 2024

Операција за елиминација

Извештаите за планирањето на нападот укажуваат дека Израел веќе подолго време ја набљудувал оваа локација.

Командантот на 69-тата ескадрила F-15I што го изврши нападот, идентификуван во израелските медиуми само како потполковник М, изјави дека екипажот се подготвувал за напад „неколку дена“ иако им било кажано за планираната цел само неколку часа порано. Авионите F-15I биле вооружени да уништуваат цели под земја, за што е потребно големо количество експлозив.

Видеото објавено од страна на израелските одбранбени сили во саботата покажува осум авиони од американско производство F-15I како „полетуваат за напад од воздухопловната база Хацерим“. Еден од нив носел повеќе проектили, под крилата и во задниот дел. Експертите рекоа дека се чини дека станува збор за бомби BLU-109 од 900 килограми од САД.

Токму овие бомби администрацијата на Бајден одлучи да не му ги достави на Израел поради загриженоста дека тие би можеле да се употребат во густо населената Газа.

Офицер на израелските воздухопловни сили рече дека за време на нападот, наречен операција „Нов поредок“, биле употребени околу 100 бомби и дека тие биле фрлани „на секои две секунди“.

Беа погодени четири станбени згради, три се целосно уништени, а зад себе останаа само кратери, а уште две беа оштетени во ударот. Првичните проценки на теренот покажуваат дека можеби загинале 300 луѓе, иако официјалниот биланс што го објави Либан е 11 убиени и 108 ранети.

Израел објави дека убил повеќе од 20 членови на Хезболах и дека нападот е оправдан бидејќи „Насрала намерно го изградил централниот штаб на Хезболах под станбени згради во Дахија“.

Бригадниот генерал Амичаи Левин, командант на воздухопловната база Хацерим, во која се наоѓа 69-та ескадрила, даде повеќе детали за планирањето. Првиот предизвик, во она што тој го опиша како „операција за елиминација“, беше да се соберат точни разузнавачки информации. Вториот беше да се осигура дека целта „да не избега додека авионите се на пат“.

План за уништување на военото раководство на Хезболах

Она што останува енигма е зошто Насрала токму кобната вечер сакал лично да се сретне со другите членови на Хезболах. Пред речиси две недели, израелската војна против Хезболах се интензивираше со експлозиите на саботирани пејџери и воки-токи што ги користеше милитантната група.

Групата ја користеше оваа технологија бидејќи Насрала не им веруваше на мобилните телефони. Откако целосно ја изгуби довербата во сите видови електронски средства, Насрала веројатно чувствуваше дека средбата лице в лице може да биде единствениот начин да се разговара за ескалацијата на кризата.

Сето ова покажува дека Израел во изминатите две недели развивал план за напад и уништување на военото раководство на Хезболах, од пејџерски напади до неколку серии на воздушни напади, предизвикувајќи хаос меѓу либанските цивили. Се проценува дека околу 1 милион луѓе се раселени и неколку стотици убиени, цена што Ерусалим ја смета за прифатлива бидејќи се обидува да ги запре нападите на Хезболах врз Северен Израел и да дозволи 65.000 Израелци да се вратат дома од пограничната област.

Успехот на Израел со убивањето на Насрала и другите лидери можеше да се реализира само преку целосна инфилтрација на разузнавачките служби во Хезболах, наспроти дебаклот кој изралеските тајни служби го направија погрешно проценувајќи ги намерите на Хамас на 7 октомври минатата година и земањето на еврејски заложници.

Метју Савил, воен аналитичар во институтот за кралски Обединети услуги (RUSI), проценува дека Израел веројатно „потрошил години градејќи и одржувајќи сеопфатна разузнавачка слика“ за Хезболах, која вклучувала „елемент на вклучени човечки извори“, така што информациите за намерите на Хезболах и Насрала ги добиваше навремено и прецизно.