Дизелот од утре значително поскапува
Регулаторната комисија за енергетика и водни услуги ги објави новите цени на горивата, кои ќе важат од полноќ.
Цените на бензините ЕУРОСУПЕР БС-95 и ЕУРОСУПЕР БС-98 не се менуваат, додека малопродажната цена на ЕУРОДИЗЕЛ (Д-Е V) се зголемува за четири денари за литар, додека екстралесното масло за домаќинство (ЕЛ-1) поскапува за два и пол денари по литар.
Цената на мазутот М-1 НС се зголемува за 1,238 денари за килограм и сега ќе изнесува 53,592 денари за килограм.
Еве ги цените на горивата кои ќе важат од полноќ:
ЕУРОСУПЕР БС – 95: 79,00 (денари/литар)
ЕУРОСУПЕР БС – 98: 81,00 (денари/литар)
ЕУРОДИЗЕЛ БС (Д-Е V): 81,00 (денари/литар)
Екстра лесно 1 (ЕЛ-1): 78,00 (денари/литар)
Мазут М-1 НС: 53,592 (денари/килограм)