Директорот на швајцарски железници: Сочувствувам со патниците во Германија
Доцнење на возовите, одложување на реновирање, финансиски проблеми – тешкотиите на Германските железници се забележуваат и во странство.
„Вашата земја има многу сложен систем, кој не е во добра форма“, рече шефот на швајцарската Федерална железница, Винсент Дукро, пренесува ДПА.
Тој вели дека сочувствува со посветените железничари и нивните корисници за проблемите со кои се соочуваат.
Швајцарија е позната по релативно точните возови. Од минатата година во Базел запира возовите од Германија со долги доцнења, за да не го наруши сопствениот сообраќај.
Тој рече и дека германската влада прави премалку.
„Прво имаше многу пари за железницата, потоа планот беше запрен, а сега френетично се обидуваат да најдат нови средства. Тоа мора да се обезбеди долгорочно“, истакна Дукро.
Германските железници исто така се слабо дигитализирани, додаде тој.
Проблем е и нивната корпоративната структура, бидејќи инфраструктурата, патничкиот и товарниот сообраќај се управувани од различни компании.
Во таква ситуација компаниите речиси и не комуницираат меѓу себе и гледаат прво на сопствените интереси, истакна директорот на Швајцарска железница.