Денеска променливо облачно време со значаен пад на температурите
Подрачјето на Македонија од изминатата ноќ падна под влијание на влажна и постудена воздушна маса која продира од север, со што се очекува да настапи позначителна промена на времето.
Денеска ќе преовладува променливо облачно време со повремени утрински врнежи од дожд и локална појава на грмежи.
Наместа врнежите ќе бидат пообилни.
Ќе дува засилен, а долж Повардарието и во источните делови силен северен ветер, наместа со брзина од над 70км/ч.
Максималните дневни температури ќе се движат од 15 степени на повисоките места на западот на земјата, до 27 Целзиусови степени на крајниот југ.
Во Скопје и околината денеска ќе биде променливо облачно со повремени врнежи од дожд и услови за ретки грмежи.
Ќе дува засилен ветер од северен правец. Температурата ќе достигне до 22 степени.