Де Брујн признава: Ако пристигне апсурдна понуда морам да мислам на семејството, роднините, пријателите…
![](https://www.slobodenpecat.mk/wp-content/uploads/2024/07/12329172.jpg)
Со почетокто на летниот преоден рок се засилија најавите дека Кевин Де Брујн наскоро ќе го напушти Манчестер Сити.
Фантастичниот 33-годишен Белгиец според многумина е најдобриот играч на Манчестер Сити во последните неколку сезони, а под водство на Пеп Гвардиола освои се што можеше да се освои во клупскиот фудбал.
Неговиот актуелен договор истекува во 2025 година и таа ситуација сакаат да ја искористат клубовите од Саудиска Арабија. За Де Брујн би требало да се плати голема оштета, а уште поголеми би биле трошоциџте од неговиот договор. Во Манчестер Сити играчот за врска заработува 21 милион евра по сезона.
Во својата последна изјава Де Брујн не криеше дека во случај на голема понуда би можел да замине.
„Останување во Сити? Тоа секако е опција… Прочитав многу информации за Саудиска Арабија, но јас не сум разговарал со никого. Ако постои добра понуда можно е да заминам, сепак јас никогаш не сум покажал дека сакам да заминам. Имам доволно пари, меѓутоа ако дојде некаква апсурдна понуда морам да мислам и на семејството, роднините, внуците и пријателите“, изјави Де Брујн.