Данското Министерство за одбрана денеска соопшти дека склучило договор со Украина за инвестиции во одбранбената индустрија на земјата во вредност од 628 милиони долари.

Договорот за намери за продолжување на соработката со украинската одбранбена индустрија го потпишаа данскиот министер за одбрана Троелс Лунд Поулсен, неговиот украински колега Рустем Умеров и министерот за стратешка индустрија Херман Сметанин, пренесува Украинска правда.

Според соопштението, данските фондови ќе помогнат украинското оружје и опрема да стигне до фронтот.

Средствата од замрзнатите руски средства ќе бидат делумно искористени за тие финансии, а остатокот ќе го обезбеди данската влада.

„Ова ја зајакнува способноста на Украина да го произведе токму она оружје што и е потребно“, рече данскиот министер.