Дали забраната за извоз на српскиот зејтин ќе ги загрози црногорските домаќинки?
![img alt](https://www.slobodenpecat.mk/wp-content/uploads/2021/09/зејтин.jpg)
Министерството за економски развој на Црна Гора бара одговори поради прекинот на снабдувањето со масло за јадење од Србија – 92 отсто од вкупната потреба од сончогледово масло за јадење се покрива со увоз од Србија, така што оваа забрана може да го загрози снабдувањето, но ги зголемуваат и цените на домашниот пазар, пишува „Вијести“.
Црногорските трговци и увозници од минатата недела имаат потешкотии да набават сончогледово масло за јадење од Србија, поради што Министерството за економски развој ќе испрати прашање до властите во Србија – дали е донесена официјална одлука за забрана за извоз на масло или некоја друга мерка, дознава „Вијести“.
Неколку црногорски трговци и производители на храна за „Вијести“ изјавија дека минатата недела од нивните добавувачи од Србија биле информирани дека повеќе не можат да им продаваат масло, бидејќи е донесена одлука за забрана за извоз на тој производ. Тоа важи и за количините кои се веќе договорени, а изворот на „Вијести“ вели дека во четвртокот од границата кон Србија е вратен еден контингент зејтин.
Црна Гора 92 отсто од потребите за сончогледово масло покрива со увоз од Србија, па оваа забрана може да ја загрози понудата на овој производ, но и да ги зголеми цените на домашниот пазар. Министерството за економски развој како ресор одговорен за трговија и следење на договорот ЦЕФТА, чиј член се Србија и Црна Гора, ќе го испрати прашањето до контактната точка на ЦЕФТА во Србија, а одговор може да очекуваме до утре“, изјавија за „Вијести“ од Министерството за земјоделство.