Од почетокот на 2024 година во Република Хрватска е забележан тренд на намалување на цената на јајцата од класа А (Л и М), а во август годинава цената на јајцата е за околу 9,2 отсто пониска во однос на цената во јануари.

Просечната цена на јајцата (класа Л&M) во август 2024 година е за 15,6 отсто пониска во споредба со истиот период минатата година. Граѓаните велат дека јајцата се поскапи во евра отколку во куни. А вака велат податоците на Европската Унија. Според нив, Хрватска е трета најскапа земја за јајца. Повеќе плаќаат само во Малта и Австрија. Затоа и увозот расте. Во првите три месеци од годинава најмногу јајца се увезени од Полска – речиси 500.000 килограми, потоа од Германија околу 400.000 килограми, а нешто помалку од 200.000 килограми јајца пристигнале од Албанија, пренесува Нет.хр.

Но, увозот не ја намали цената ниту на домашните производители. Јајцата се скапи и покрај падот на цените на житарките. Производителите тоа го оправдуваат со зголемување на контролните цени. Она што повторно би можело да ја зголеми цената е поскапата храна за кокошките несилки, бидејќи зад фармерите е сушна година која може да ги „исуши“ паричниците на купувачите.