Дали годинава е поскапо во Грција?
![гиро](https://www.slobodenpecat.mk/wp-content/uploads/2021/08/гиро-1.jpg)
Од почетокот на годинава се зборува дека цените во Грција се зголемени и дека тоа влијае на зголемување на цените за летувањето за луѓето кои ќе ја изберат оваа туристичка дестинација. Но, дали е така?
Проверките на бугарскиот портал бизнисновините.бг. покажа дека во северниот дел на Грција, Кавала и на островот Тасос, нема значително зголемување на цената на храната и пијалаците. Некои работи се со малку повисоки цени, но во никој случај не е нешто драстично. Истото важи и за патарините за автопатите. Цените на патарините се околу 2-3 евра, во зависност од тоа кој дел од автопатот се користи. Цената за траект до Тасос за автомобил со четиричлено семејство е 35 евра во еден правец. Цената на едно кафе еспресо е 2 евра. Фрапето е од 3 до 4 евра во зависност од објектот, а исто такви цени се наплаќаат и за капучиното. Цените се сосема исти како лани во ова време.
„Кока-кола“ од 250 мл чини 2,50 евра. Свежо цедените сокови чинат околу 4 евра, додека пивото се продава од 3 до 4 евра. Грчката салата чини околу 8-9 евра, порција гиро чини околу 10 евра, порција мусака околу 10-11 евра. Пржените лигњи чинат околу 12 евра, а октопод на скара околу 16-17 евра. Можете да јадете плескавици за 12 евра. Алкохолните коктели во баровите на плажа се од 7 до 10 евра во зависност од плажата и коктелот.