Неуспешниот настап на Србија на Европското првенство, како што стојат работите, изгледа донел проблеми кои сега излегуваат на површината. Имено, по откажувањето на Душан Влаховиќ за натпреварите со Шпанија и Данска, селекторот Пикси остана и без услугите на Милинковиќ-Савиќ и Александар Митровиќ.

Влаховиќ преку социјалните мрежи информираше дека поради „семејни причини“ нема да биде во можност да и помогне на репрезентацијата. Од друга страна информациите за Савиќ и Митровиќ се дека тие се повредени, меѓутоа чудно е што вчера одиграа 90 минути за Ал Хилал.

Самиот Пикси на прес-конференцијата изјави дека станувало збор за повреди, меѓутоа во јавноста преовладува мислењето дека главните фудбалери го бојкотираат Пикси и се незадоволни од неговата работа.

Србија во Лигата на нации на 5 септември ќе игра против Шпанија, додека три дена подоцна оди на гости кај Данска.