Д Викенд е во Србија? Популарниот пејач објави фотографија со српски производи и ги збуни сите
Канадскиот пејач Абел Тесфаје, попознат како Д Викенд на социјалните мрежи објави мистериозна фотографија од човечка фигура во изработка. Она што сите ги збуни на фотографијата, е што во позадина, на масата се гледаат српски производи.
Имено, фотографијата на која се гледаат павлака, шише вода и чепкалки за заби од српско производство е без опис и локација, па поради тоа многумина се запрашаа дали пејачот навистина се наоѓа во Србија или се работи за нешто друго.
Како што пренесоа некои од српските медиуми Д Викенд не е во Србија, туку српски уметник ја создава оваа фигура за него за некој вид сценографија, а пејачот едноставно решил да објави за тоа.
Додека пак, „24 седам“ пренесува дека пејачот сепак се наоѓа во Србија и сето тоа поради соработката со познатиот српски рапер со кој моментално се дружи, поточно Девито. Раперот е познат по тоа што често соработува со странски продуцентски куќи, иако минатиот пат беше дури и измамен. Сега, очигледно има можност директно со Д Викенд да договори дует, за кој сè уште не се знае кога би можел да биде претставен пред публиката.
Во секој случај, фотографијата предизвика бурни реакции, а коментарите под неа беа преплавени со српски знамиња.
„Брат Србин знае што е добро“; „Дали си во Белград?“; „Имаш пари за кантичка павлака“; „О Боже, тој во Србија ли е?“; „Вкусна ли е павлаката?“; „Срцето ќе ми застане, во Србија ли е?“, беа дел од коментарите.
Гледачите воочија детали: Селена Гомез е инспирација за контроверзната „The Idol“?