Вредноста на минималната потрошувачка кошница во Црна Гора во октомври, според податоците на Монстат, изнесува 793,9 евра, што е за 1,6 отсто повеќе во однос на септември, а за речиси 19 отсто повеќе во однос на истиот месец од претходната година, објави РТЦГ.

Граѓаните сметаат дека по секое купување паричниците им се значително потенки и дека за основните производи, особено за храната, им требаат многу повеќе пари отколку порано.

Како што соопшти Монстат, од вкупната вредност на минималната потрошувачка кошничка, расходите за храна и безалкохолни пијалоци изнесуваат 373,1 евра, додека расходите за непрехранбени производи и услуги 420,8 евра.

Расходите за храна и безалкохолни пијалоци во октомври годинава во однос на септември се за 1,7 отсто повисоки, а кај непрехранбените производи и услуги, во однос на септември, е забележан раст од 1,4 отсто, се наведува во извештајот на Монстат.

Споредено со јануари 2022 година, кога потрошувачката кошничка изнесуваше 681 евро, во октомври е повисока за 16 отсто или 113 евра, додека во однос на истиот месец од претходната година, кога изнесуваше 667,9 евра, денес е повисока за речиси 19 проценти.односно 126 евра.

Само трошоците за храна се повисоки за 71 евро во однос на јануари кога изнесувале 302 евра, а во однос на истиот месец од претходната година кога изнесувале 238 евра се повисоки за 135 евра, објави Фонет.