Министерството за внатрешни работи излезе со соопштение, во кое ги демантира наводите изнесени во поедини медиумите, во кои се вели дека ресорното министерство, односно Кабинетот на министерот Наќе Чулев потрошил „вртоглава“ сума пари на најмодерни Ајфони.

За еден телефон, платено е 86.990 денари, што е и највисока продажна цена за мобилен уред во нашата држава. Всушност, министерството платило 173.980 денари за набавка на два телефона за Кабинетот на министерот Наќе Чулев.

Министерството за внатрешни работи во целост ги демантира објавите за наводно лускузирање на министерот Чулев за набавка на телефони.

Оттаму велат дека се работи за договор кој Министерството за внатрешни работи го има склучено со Македонски телеком во време на тогашниот министер Оливер Спасовски, а кој произлегува од правилникот за користење на службени мобилни телефони и на службени претплатнички идентфикациони модули во Министерството за внатрешни работи, кој исто така е потпишан од страна на тогашниот Министер за внатрешни работи Оливер Спасовски, според кој конкретната тарифа, предвидена во правилникот во износ од 2.740 денари претплата за позицијата „Министер за внатрешни работи“ дозволува набавка без надомест и задолжување на конкретните апарати.

Согласно сметководствената евиденција Министерството за внатрешни работи нема евидентирано било какви расходи за конкретните телефони.

Оттаму потенцираат дека договорите за набавка на мобилните апарати не предизвикуваат фискални импликации за Министерството за внатрешни работи.